FRANKFURT – Aktivîstên TCŞ (Tevgera Ciwanên Şoreşger) û YJK-E (Yekîtiya Jinên Kurdistanê – Ewropa) îro li dijî êrîşên ku her roj zêde dibe û ku li dijî şoreşa Rojava û destkeftiyên gelê Kurd têne meşandin, çalakiya agahdarkirin û piştgiriyê pêk anîn.
Infostanda ku li yek ji deverên herî navendî yên Frankfurtê, Hauptwache, hate saz kirin, ji saet 14:00 heta 17:00 bi beşdariya giran û balgirtina mezin berdewam bû. Hevalan li ser destkeftiyên şoreşa jinan li Rojavayê, tecrubeya xweseriya demokratîk û berxwedana ku li dijî dewleta faşîst a Tirk û çeteyên girêdayî wê tê meşandin, agahiyên berfireh dan.
Di dema çalakiyê de gelek belavok hatin xwendin û belavkirin. Di belavokan de hate destnîşankirin ku têkoşîna azadiyê ya li Rojavayê her weha çavkaniyek hêvîyê ye ji bo hemû gelên bindest ên Rojhilata Navîn. Li dijî polîtîkayên qirkirina netewî ya dewleta Tirk, pêwîstiya mezinbûna piştgiriya enternasyonalîst hate xuyang kirin.
Infostanda ku bi balgirtina mezin û piştgiriya gel re derbas bû de, bi taybetî ji aliyê ciwanan û jinan ve pir pirs hatin pêşkêş kirin. Kesên ku dixwestin destkeftiyên şoreşa Rojava nêzîk bibînin, hatin ser standê, bi hevalan re axaftin kirin û peyamên piştgiriyê şandin.
Wekî TCŞ û YJK-E, bi şîara “Rojava berxwedan dike, em jî berxwedan dikin!” em ê li çaraliyê Ewropayê bi vî rengî çalakiyan bidomînin. Li dijî faşîzmê têkoşîna yekgirtî, parastina destkeftiyên şoreşa jinan û li her çar parên Kurdistanê agirê azadiyê geş kirin, berpirsiyariya me ye.