HESÊKE – Karkerên ciwan ên Ereb ên li bajarê Hesekê dijîn, nirxandinên berfireh li ser têkiliyên civakî û yekîtiya nav-etnîkî ya li herêmê ji ajansa me re pêşkêş kirin. Ciwanan diyar kirin ku îdiayên dijminatiya di navbera Kurd û Ereban de rastiyê nîşan nadin û çanda jiyana hevbeş li bajêr bi xurtî tê parastin.
Ciwanan, destnîşan kirin ku komên etnîkî yên cûda bi salan e li bajêr bi hev re dijîn û fikarên xwe anîn ziman ku hin derdor hewl didin dijminatiya di navbera Ereb û Kurdan de gur bikin. Di daxuyaniyê de wiha hat gotin: “Kurd û Ereb bira ne. Di navbera me de ti ferq tune. Yên ku îdîayên din dikin xelet in. Em ê vî gelî û vî welatî ji perspektîfek civakî ya demokratîk biparêzin. Xortekî Ereb ku ji ajansê re axivî, diyar kir ku ew di jiyana rojane de tu cudahîyê nabînin û got:
“Wekî ciwanekî Ereb, ez li kêleka birayên xwe yên Kurd dijîm. Li kar, li taxê, an jî di jiyana civakî de ti cudahî tune. Carinan giştîkirinên wekî ‘Ereb xayîn in’ têne kirin, lê ev ne rast e. Helwestên hin eşîr an kesan nikarin ji bo tevahiya gelê Ereb werin vegotin.”
Xortê karker ê Ereb tekez kir ku karker pirsgirêkên hevpar parve dikin û xurtkirina hevgirtinê di navbera gelan de ji bo aştiya civakî girîng e, û banga hişyariyê li hember retorîka provokatîf kir.