BERLÎN – Li Berlînê bi pêşengiya TekoJin (Jinên Ciwan ên Têkoşer) û Eco of Ozo ji bo piştgirîkirina Rojava şeva fîlmê hate organîze kirin. Di çalakiyê de ku bi rêxistinbûna ciwan û jinên ciwan hate pêk anîn, fîlma “Tevî her tiştî” hate nîşandan.
Piştî nîşandana fîlmê, panel li ser rewşa nû ya Rojava, rola pêşeng a jinan di Şoreşa Rojava de û berpirsiyariya ciwanên diasporayê hate lidarxistin. Di panelê de rojnamevanê serbest Ulrich Weber, nûnerê Kongra Star û ji Jinên Ciwan Berlinê Sara R. wekî axaftvan beşdar bûn.
Jin Hêvî Ava Dikin
Belgesela Robert Krieg têkoşîna jinên li Rojava (Bakur û Rojhilatê Sûriyeyê) ku biryarên xwe digirin û jiyana xwe rêxistin dikin, nîşan da. Di şert û mercên şer û wêranbûnê de gund ava kirin, ji bo zarokan perwerde dan, atolyeyên vekirin û li ser bingeha azadî û wekheviyê jiyaneke nû ava kirin; têkoşîna wan di salonê de balkişandinek mezin çêkir. Fîlm portreya nifşeke nû ku strukturên zilamsalarî derbas dike û pêşeroja xwe bi destên xwe ava dike, pêşkêş kir.
Ciwan: Rojava xeta me ya sor e
Di panelê de hate diyarkirin ku domandina têkoşîna Rojava girîngiyeke jiyanî heye. Hat gotin ku modela ku li herêmê tê parastin, di şert û mercên şerê de alternatîfeke jiyana aştiyane û pirrengî pêşkêş dike. Hate diyarkirin ku em wekî jinên ciwan û ciwanan hem li Kurdistanê hem jî li diasporayê berpirsiyariyeke dîrokî hildigirin.
Hat diyarkirin ku ciwanî bi çalakî û xebatên kolanan dengê xwe li dijî êrîşên li ser Rojava bilind dike û hat tekez kirin: “Rojava xeta me ya sor e.” Hate gotin ku Rojava xeta sor a ciwanî ye û dê her tim wisa bimîne.
Yekîtî zêde dibe
Hemû hatinên şevê ji bo Heyva Sor hatin bexş kirin. Di dawiya bernameyê de beşa pirs û bersivê hate lidarxistin û beşdaran balkişandinek mezin nîşan dan, li ser Rojava pirs kirin û bangên piştgirî kirin.
Di dawiya çalakiyê de bang hat kirin ku di 14’ê Sibatê de li Strazburg û Berlînê çalakiyên ku dê pêk bên anîn, beşdar bibin.